У нас іначай, як у Гішпаніі,
I не такая інквізіцыя,
А забастоўкі, як у Германіі,
Спраўна, гуманна душыць паліцыя.
У нас цудоўнае кіраўніцтва:
Паны, банкіры і слугі бога;
У нас магутны ўздым будаўніцтва
Касьцёлаў, шыбеніц, астрогаў.
I справядлівасьць у нас панская
На нашых, на «Усходніх Крэсах»;
У нас апека акупанцкая,
Кайданы, краты – шлях прагрэсу.
Таму і ставімся мы з пашанай
Да культуртрэгераў гэтых, скора
Пятлю ім скруцім з лык канапляных
I кол асінавы ім падорым.
1935
|
|
